Reseıde 13 mln adamnyń jasy 70-ten asty
ASTANA. QazAqparat - Reseıde jyl saıyn qart adamdar sany 500 myńǵa kóbeıedi. Al 13, 3 mıllıon adam 70-tiń tabaldyryǵynan attady. Tek Máskeýde ǵana 764 adam ózderiniń ǵasyr jasaǵan mereıtoılaryn atap ótti, dep málimdedi vıtse-premer Olga Golodets.
«Jyl saıyn qart turǵyndardyń sany jarty mıllıonǵa jýyq ósedi. Soǵan baılanysty zeınetke shyǵý jáne medıtsınalyq qyzmet kórsetý máselesi tóńireginde qyzý pikirtalas órbýde»,-dedi ol juma kúni bolǵan áleýmettik saladaǵy qamqorshylar keńesiniń otyrysynda.
