Reseıde 10-nan asa mektep pen birneshe aýrýhanaǵa «bomba» qoıyldy
BARNAÝL. QazAqparat - 28 qańtar kúni tańerteń Barnaýyl ákimshiligine jáne mektepterge bomba qoıylǵany týraly aqparat tarady, dep habarlaıdy TASS agenttigi qala bıligine silteme jasap.
«Habar elektrondy poshta arqyly taratylǵan. Barnaýyldyń ákimshiligi jáne onnan astam mektepke «bomba qoıylǵany» týraly habarlanǵan. Úsh mektep evakýatsııalanyp, balalar úılerine jiberildi. Bastaýysh mektepterdiń biri balabaqshaǵa evakýatsııalandy», - deıdi qala ákimshiliginiń ókili.
Taratylǵan aqparattarǵa qaraǵanda, Novoaltaısk qalasyndaǵy mektepterge de bomba qoıylǵany týraly habarlanǵan. Naqty neshe mektep ekeni anyqtalyp jatyr.
Budan tys, Novosibirde bomba týraly habarǵa baılanysty tórt aýrýhana evakýatsııalanǵan. Óńirdiń densaýlyq saqtaý mınıstri Konstantın Halzovtyń aıtýynsha, evakýatsııalaý áli júrip jatyr.
«Jergilikti saǵat 09:00-da(5:00 máskeý ýaqytymen) kem degende tórt aýrýhana qoıylǵan «bombaǵa» baılanysty evakýatsııalandy», - deıdi Halzov.
