Reseıde 1 maýsymnan bastap meıramhanalar men poıyzdarda shylym shegýge tyıym salyndy
ASTANA. QazAqparat - RF ІІM 1 maýsymnan bastap meıramhanalar, dámhanalar, alys jolǵa shyǵatyn poıyzdar men basqa da birqatar nysandarda temeki shegýge bolmaıtyn oryndardyń tizimi jaıly eske salady.
«Interfaks» agenttigine Reseıdiń ІІM-niń Qoǵamdyq tártipti qamtamasyz etý bas basqarmasynyń baspasóz qyzmetinen habarlaǵandaı, 1 maýsymnan bastap elde 2013 jyldyń 23 aqpanyndaǵy «Azamattardyń densaýlyǵyn qorshaǵan temeki tútininen jáne temekini tutynýdyń zardaptarynan qorǵaý týraly» Federaldy zańnyń birqatar erejeleri kúshine endi.
Zańǵa sáıkes, alys jolǵa shyǵatyn poıyzdar men alysqa júzetin kemelerde, temirjol platformalarynda, qonaq úıler, dúkender men saýda oryndarynda, statsıonarly emes saýda nysandarynda, qoǵamdyq tamaqtandyrý oryndarynda temeki tartýǵa tyıym salynady.
Joǵaryda atalǵan oryndarda temeki shekkeni úshin azamattarǵa 500-den 1,5 myń rýblge deıin, al balalar alańynda bul erejeni buzǵandarǵa 2-3 myń rýblge deıin ákimshilik aıyppul salynady.
Sondaı-aq vedomstvoda polıtsııanyń temirjol vokzaldarynyń ǵımarattarynda, avtovokzaldarda, áýejaılar men teńiz porttarynda, ózen porttary, metropolıten stansalarynan 15 metrge deıingi jerde ashyq aspan astynda, jolaýshylardy tasymaldaý boıynsha qyzmet kórsetýge arnalǵan oryndarda temeki shegetin bolsa, jaýapkershilikke tartý ókildigine ıe ekenin atap ótti.
Sonymen birge tártip saqshylary balalar alańdary men temirjol platformalarynda temeki shegetinderdi jaýapkershilikke tarta alady.
