Reseıde 1 aqpannan bastap munaıǵa baj salyǵy tonnasyna 317,5 dollardan 346,6 dollarǵa deıin ósedi
ASTANA. 25 qańtar. QazAqparat - RF Premer-Mınıstri Vladımır Pýtın 2011 jyldyń 1 aqpanynan bastap shıki munaıǵa eksporttyq kedendik baj salyǵynyń mólsherin tonnasyna 317,5 dollardan 346,6 dollarǵa deıin ósirýdi qarastyratyn qaýlyǵa qol qoıdy.
Qujat mátini búgin "Rossııskaıa gazetaǵa" jarııalandy, dep habarlaıdy ITAR-TASS.
Shyǵys Sibirdiń 22 ken ornynda, Soltústik Kaspııdiń 2 ken ornynda munaıǵa baj salyǵy 1 aqpannan bastap tonnasyna 137,6 dollarǵa deıin kóteriledi, bul 2011 jyldyń qańtar aıynda 117,5 dollar kóleminde turaqtap otyr.
Ashyq munaı ónimderine eksportty baj salyǵy 1 aqpannan bastap tonnasyna 226,2 dollardan 232,2 dollarǵa deıin, al qara munaı ónimderine tonnasyna 121,9 dollardan 161,8 dollarǵa deıin ósedi.
