Reseıde 1-8 synyp oqýshylaryna tártibi úshin baǵa qoıylady
ASTANA. KAZINFORM – Jańa oqý jylynda birneshe reseılik mektepte 1-8 synyp oqýshylaryna aprobatsııa aıasynda minez-qulyq baǵalary qoıylady, dep habarlaıdy TASS aqparat agenttigi.
Bul týraly Reseıdiń Aǵartý mınıstri Sergeı Kravtsov málimdedi.
Onyń aıtýynsha, 2026-2027 oqý jylynda Reseıdiń ár aımaǵyndaǵy 10 mektepte oqýshylardyń minez-qulqy baǵalanady.
- 2027-2028 oqý jylynan bastap bul modeldi Reseıdiń barlyq jalpy bilim berý mekemelerinde engizý josparlanǵan. Format boıynsha sońǵy sheshim aprobatsııa qorytyndylary boıynsha qabyldanady, - dep málimdedi Kravtsov.
Ol emtıhan tapsyratyn joǵary synyp oqýshylary osy krıterıı boıynsha baǵalanbaıtynyn qosty.
Aprobatsııa aıasynda bilim berý mekemelerindegi ishki tártip, sabaqtaǵy tártip jáne minez-qulyq normalaryn saqtaý boıynsha baǵa qoıý múmkindigi qarastyrylǵan.
Kazinform úshin arnaıy TASS seriktes agenttigi usynǵan.
Osyǵan deıin Reseı mektepterinde tártipke baǵa qoıý júıesi engiziletinin habarlaǵan bolatynbyz.
