Reseıdi ábigerge salǵan drondar Qazaqstan aýmaǵynan ushyryldy ma – SІM jaýaby
ASTANA. KAZINFORM – Syrtqy ister mınıstrliginiń resmı ókili Aıbek Smadııarov Reseıdi ábigerge salǵan pılotsyz ushatyn apparattar Qazaqstan aýmaǵynan ushyryldy degenge saıatyn alyp-qashpa áńgimelerge jaýap berdi.
– Qazaqstan aýmaǵynan Reseıge qaraı pılotsyz ushatyn apparattar jiberilip jatqany týraly málimetter shyndyqqa janaspaıdy, - dedi ol kezekti brıfıngide.
Aıbek Smadııarov mundaı oqıǵalardyń bári quzyretti organdardyń jiti baqylaýynda ekenin eske saldy.
– Bul jerde tehnıkalyq sıpattaǵy máseleler boıynsha Qorǵanys mınıstrligine júginý kerek, - dedi SІM resmı ókili.
Buǵan deıin Premer-mınıstrdiń orynbasary – Ulttyq ekonomıka mınıstri Serik Jumanǵarın Iran-Izraıl teketiresiniń Qazaqstannyń syrtqy saýdasyna qalaı áser etip jatqanyn aıtqan bolatyn.