Reseı juldyzdary «Túngi stýdııada - Nurlan Qoıanbaev» shoýyna kelmek
ASTANA. QazAqparat - 1 qyrkúıek kúni «Qazaqstan» telearnasynyń Nurlan Qoıanbaevpen «Túngi stýdııa» saýyqtyrý baǵdarlamasynyń jańa maýsymy bastalady, dep habarlady «Qazaqstan» respýblıkalyq teleradıokorporatsııasynyń baspasóz qyzmeti.
Jańa maýsymda belgili júrgizýshi Nurlan Qoıanbaevtyń qadirli qonaqtarynyń qatarynan tanymal estrada jáne kıno juldyzdaryn, opera ánshilerin, sportshylardy, rejısserler men prodıýserlerdi, ǵaryshkerler men motobaıkerlerdi de kóre alasyzdar.
Atap aıtsaq, «Týngi stýdııa» baǵdarlamasyna «Qazaqstan barysy - 2014» jeńimpazy Muhıt Tursynov, «Qazaqstan daýysy» jobasynyń ótken maýsymynyń jeńimpazdary, Ven baly jáne Opera balynyń uıymdastyrýshysy Marat Omarov, kórkem gımnasshy Álııa ıÝsýpova, ártis, saıqymazaq Murat Mutyrǵanov jáne tanymal baıker Dmıtrıı Petrýhın qatysady dep kútilýde. Sondaı-aq, Zaǵıpa Balıeva, Baýyrjan Baıbek, Tólegen Muhamedjanov, Talǵat Musabaev jáne Ermek Amanshaev syndy qoǵam qaıratkerleri stýdııa qonaǵy bolýy ábden múmkin.
Kórermenderdi budan basqa da tosyn syılar kútip tur. Nurlannyń stýdııasynda Fılıpp Kırkorov, Nıkolaı Baskov, Sergeı Bezrýkov, Vera Brejneva syndy tanymal Reseı juldyzdary qonaqta bolady.
