Reseı joǵary bilim berý júıesin reformalaýǵa daıyndalyp jatyr

MÁSKEÝ.Kazinform – Reseıdiń joǵary bilim berý júıesin tehnologııalyq ózgeristerdi eskere otyryp jańartý josparlanyp otyr. Bul týraly Reseı ǵylym jáne joǵary bilim mınıstri V.Falkov aıtty, dep habarlaıdy Kazinform agenttiginiń menshikıi tilshisi reseılik BAQ-qa silteme jasap.

Mınıstrdiń sózinshe, jasandy ıntellektiden bastap ushqyshsyz júıelerge deıingi jańa tehnologııalardyń damýy bilim berý baǵdarlamalary men mamandardy daıarlaý tásilderin qaıta qaraýdy talap etedi.

Vedomstvo basshysy ýnıversıtetterdiń mindeti stýdentterge tek bilim berip qana qoımaı, olardy jańa tehnologııalardy ıgerýge daıyndaý kerektigin atap ótti. Qarqyndy ózgerister jaǵdaıynda irgeli bilim berý jáne jyldam oqý qabiletin damytý mańyzdy.

Falkov reformanyń baǵyttarynyń biri ýnıversıtetterdiń jumys berýshilermen ózara is-qımylyn keńeıtý bolatynyn naqtylady. Bilim berý baǵdarlamalarynyń mazmunyn anyqtaýmen aınalysatyn federaldyq oqý-ádistemelik birlestikterdiń quramynyń keminde jartysy bıznes ókilderinen turýy tıis.

Sonymen qatar, joǵary bilimniń qurylymyn ózgertý qarastyrylyp otyr. Reseı qoǵamynda bakalavrıattyń aıaqtalǵan jáne tolyqqandy bilim deńgeıi retinde tolyqqandy túsinigi men kórinisi qalyptaspaǵan. Olardyń fýnktsııalaryn durys túsinbeý eńbek naryǵyn da, bilim berý júıesin de burmalady.

Qazir Reseıde joǵary bilimdi jańartýdyń pılottyq jobasy júzege asyrylyp jatyr. Oǵan 17 ýnıversıtet qatysyp, olar jumys berýshilermen birlesip bilim berý baǵdarlamalary men mamandyqtar tizbesin qaıta qarastyrý ústinde.

Buǵan deıin Qazaqstandaǵy ýnıversıtetter men mektepterde akademııalyq erkindik keńistigi bolyp qalýy kerektigi týraly jazǵan bolatynbyz.