Reseı Jınaq banki qazaqstandyq hakerler kıber shabýylǵa qatysty degen aqparatty teriske shyǵardy
ASTANA. QazAqparat - Reseı Jınaq banki qazaqstandyq hakerler reseı bankterine kıber shabýylǵa qatysý yqtımaldyǵyn joqqa shyǵardy, bul týraly bank basqarmasy tóraǵasynyń birinshi orynbasary Lev Hasıs aıtty.
«Ótken aptada oryn alǵan DDoS-shabýyldar qýatty, úılestirilgen, tek ár elde júrgizilgen, biraq barlyǵy bir orynnan úılestirilgen. Munyń barlyǵy anyqtaldy. Qujattaldy. Bul qaı elden jasalǵany bizge belgili.
Biz barlyq qujattardy quqyq qorǵaý organdaryna jiberdik. Odan ári áreket memlekettik bıliginiń sheshimine baılanysty. Óıtkeni bul memleketaralyq qatynasqa qatysty, - degen Hasıstiń sózin keltirdi RIA Novostı. Bank ókili shabýyl jasaýshylar tek AQSh jáne Qazaqstannan emes ekenin ǵana aıtyp, naqty qaı elderden ekenin aıtpady.
Eske salsaq, top-10-dyqtaǵy bes reseılik bankke DDoS-shabýyl jasaldy. Jınaq banki basshysy German Gref shabýyl budan burynǵylarǵa qaraǵanda, myń ese qýtty bolǵanyn habarlaǵan.
