Reseı jeńil atletteri álem birinshiligine óz elderiniń atynan qatysa almaıdy
ASTANA. QazAqparat - Ulybrıtanııa astanasy London qalasynda ótetin jeńil atletıkadan XVI álem chempıonatyna Reseı sportshylary óz elderiniń atynan qatysa almaıdy, dep habarlaıdy QazAqparat tilshisi.
Bul týraly Halyqaralyq jeńil atletıka federatsııalary qaýymdastyǵynyń (IAAF) resmı málimetine súıene otyryp, QR jeńil atletıka federatsııasynyń resmı saıtynda habarlandy.
«Onda dopıng daýyna baılanysty kórshi Reseı eliniń atletteri óz elderiniń atynan qatysa almaıdy. Olar tek beıtarap sportshy óner kórsetedi. Sondaı-aq olardyń jeıdelerinde reseılik ekenin kórsetetin týdyń sýreti bolmaýy kerek», - dep jazylǵan.
Esterińizge sala keteıik, atalǵan álemdik dodada Qazaqstan namysyn 13 sportshy qorǵaıdy. Olar - Olga Rypakova, Marııa Ovchınnıkova (ekeýi de - úsh qarǵyp sekirý), Vıktorııa Zıabkına (200 metr jáne 4h100 metrge estafetalyq júgirý), Polına Repına, Georgıı Sheıko, Regına Rykova, Dıana Aıdosova ( bári de - 20 shaqyrymǵa sporttyq júris), Elena Nanazıashvılı (marafon), Olga Safronova, ıÝlııa Rahmanova, Rıma Kashafýtdınova, Svetlana Golendova, Anastasııa Týlapına (bári de - 4h100 estafetalyq júgirý).
