Reseı Jaıyq ózenine bóget salmaq pa – Roman Sklıardiń jaýaby
«Reseı Federatsııasymen yntymaqtastyq Qazaqstan Respýblıkasy men Reseı Federatsııasy Úkimetteriniń arasyndaǵy 2010 jylǵy 7 qyrkúıektegi Transshekaralyq sý obektilerin birlesip paıdalaný jáne qorǵaý týraly kelisimniń normalaryna sáıkes júzege asyrylady. Kelisimniń erejelerine sáıkes taraptar transshekaralyq ózenderdiń basseınderinde salýǵa josparlanǵan gıdrotehnıkalyq qurylystardyń qorshaǵan ortaǵa áserin birlesip baǵalaıdy jáne qarastyrady. Jaıyq ózeni basseıniniń sý resýrstaryn paıdalaný eki memleket úshin de ekologııalyq qaýipsizdikti qamtamasyz etýde erekshe mańyzy bar. Kelisimdi basshylyqqa ala otyryp, Orynbor qalasyn sýmen qamtamasyz etýdi jaqsartý maqsatynda Jaıyq ózeniniń arnasynda bóget salý týraly osy jylǵy naýryzdyń basynda ınternet-resýrstarda jarııalanǵannan keıin qazaqstandyq tarap dıplomatııalyq arnalar arqyly resmı suraý salý joldady. Reseı tarapynyń resmı jaýabynyń bolmaýyna qaramastan, Reseı Federatsııasynyń Federaldyq sý resýrstary agenttigi basshysynyń orynbasary deńgeıinde jumys kezdesýlerinde reseı tarapy Jaıyq ózenine bóget salý josparyn rastamaıdy», - dedi Roman Sklıar.
Sondaı-aq, ol Jaıyq ózeni basseınindegi sý sharýashylyǵy jaǵdaıyn jaqsartý boıynsha sharalar qabyldaý maqsatynda reseı tarapymen Jaıyq ózeniniń gıdrologııalyq rejımine birlesken zertteýler júrgizý týraly ýaǵdalastyqqa qol jetkizilgendigin atap ótedi.
«Osy maqsatta 2020 jylǵy qazanda iri ózenderdiń basseınderinde (Jaıyq, Ertis jáne basqa) zertteýler júrgizý boıynsha yntymaqtastyqty jandandyrýdyń biryńǵaı jol kartasy jáne onyń tarmaqtaryn oryndaý merzimin jáne uıymdastyrý formasyn naqtylaıtyn is-sharalardy iske asyrýǵa arnalǵan jumys kestesi bekitildi. Atalǵan jumys aıasynda taraptardyń sarapshylary Jaıyq ózeniniń qurǵaq kezeńinde gıdrologııalyq aǵynyn jaqsartý boıynsha usynystar ázirleıdi», - dedi ol.
Onyń atap ótýinshe, Jaıyq transshekaralyq ózeniniń gıdrologııalyq rejımine zertteý júrgizý úshin 2021 jylǵy respýblıkalyq bıýdjetti naqtylaý aıasynda 11,950 mln teńge qarajat bólý týraly bıýdjettik ótinim engizildi.
«Budan basqa, Batys Qazaqstan oblysyn tolyq sýmen qamtamasyz etý úshin 2021 jylǵy 20 sáýirde Respýblıkalyq bıýdjet komıssııasynyń sheshimimen osy jylǵa arnalǵan respýblıkalyq bıýdjetti naqtylaý aıasynda Saratov magıstraldyq arnasy boıynsha Qaraózen men Saryózen ózenderine jáne RF Pallas sýarý-sýlandyrý júıesinen Jánibek sýarý-sýlandyrý júıesine qosymsha sý kólemin berý úshin 1 200 mln teńge somasynda qarajat kózdelgen», - dedi Úkimet basshysynyń orynbasary.
