Reseı jańa salynatyn aılaqqa bola Baıqońyrdy tastamaıdy - Dmıtrıı Rogozın

BAIQOŃYR. QazAqparat - Reseı vıtse-premeri Dmıtrıı Rogozın Qıyr Shyǵystan jańa reseılik aılaq qurylysy máseleleri boıynsha arnaıy komıssııa otyrysynda Baıqońyrdyń damý jospary jaıly áńgimeledi, dep habarlaıdy QazAqparat tilshisi «Rossııskaıa gazetaǵa» silteme jasap.

Málim bolǵanyndaı, QR Prezıdenti Nursultan Nazarbaevtyń Reseı Federatsııasyna jumys sapary aıasynda Peterbýrgte Baıqońyr aılaǵynyń aldaǵy damý Tujyrymdamasyna qol qoıyldy.

«Biz alǵash ret qazaqstandyq áriptestermen birlese jumys isteıtin jobalar jaıly kelisimge keldik. Bul Qazaqstan Respýblıkasynyń «Zenıt» zymyran ushyrý keshenin damytý úshin salyp otyrǵan qarjysy men «Roskosmostyń» jańa tehnologııalyq qurylǵylary negizinde jasalǵan «Báıterek» jobasy», - dedi vıtse-premer.

«Sonymen birge, Qıyr Shyǵysta boı kóteretin Shyǵys ekinshi ǵarysh aılaǵy salynǵan soń Reseı men Qazaqstannyń Baıqońyrdy tastamaıtyny, ony damyta túsetini joǵary deńgeıde rastaldy», - dedi D.Rogozın.