Reseı jalǵa alyp otyrǵan polıgondardy qaıtaryp, tólemdi 1 mln. 373 myń dollarǵa qysqartady

ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy 1996 jylǵy 18 qazandaǵy Qazaqstan Respýblıkasynyń Úkimeti men Reseı Federatsııasy Úkimetiniń arasyndaǵy Qazaqstan Respýblıkasynyń aýmaǵyna ornalasqan Reseı Federatsııasynyń 929 Memlekettik ushý-synaq ortalyǵynyń obektileri men jaýyngerlik alańdaryn jaldaý týraly shartqa ózgerister engizý týraly hattamany ratıfıkatsııalaý týraly» QR Zańy qabyldandy.

QR Qorǵanys mınıstriniń orynbasary, general-leıtenant Oqas Saparovtyń Reseıden jalpy alańy 580 myń 210 gektar jer ýchaskeleri jalǵa alýdan qaıtarylýyna baılanysty jaldaý somasy qaıta qaralady. Hattama osy máselelerdi retteıdi. «Atap aıtqanda, polıgon ýchaskeleri jalǵa berilýden shyǵarylýyna baılanysty 2016 jyldan bastap Reseı 3 mln 81 myń dollardy sáıkesinshe, 1 mıllıon 373 myń dollarǵa qysqartady. Jaldaýdan shyǵarylatyn jer ýchaskelerinde paıdaly qazbalar óndirý boıynsha jobalar júzege asyrylatyn bolady. Sharýashylyq sýbektiler qyzmetinen respýblıkalyq bıýdjetke jaldaý aqysyn óteletini kútiledi», dedi O. Saparov.
Onyń aıtýynsha, qujatty qabyldaý teris áleýmettik ekonomıkalyq saldarǵa soqtyrmaıdy. Óıtkeni, jalǵa berýden qaıtarylǵan jer ýchaskelerinde óndiristik, paıdaly qazbalardy óńdeý jobalary júzege asyrylady. Osylaısha, jaldaý qarajaty qysqartylǵanym en, onyń orny polıgondardy el ıgiligine paıdalaný arqyly tolyǵatyn bolady. «Reseı jaldap otyrǵan polıgon ýchaskelerin qaıtarýǵa depýtattyq korpýs asa belsendi aralasyp, kópjyldyq kelissózder nátıjesi bolyp tabylady», dedi O. Saparov.