Reseı zańsyz krıptovalıýta aınalymy jazasyn kúsheıtti
ASTANA. KAZINFORM — Zań shyǵarý qyzmeti jónindegi úkimettik komıssııa Ortalyq banktiń ruqsatynsyz iri kólemde krıptovalıýta aınalymy úshin bas bostandyǵynan aıyrý jazasyn engizýdi maquldady, dep habarlaıdy TASS.
Túzetilim 2027 jyldyń 1 shildesinde kúshine enedi.
Tyıym Reseı zańnamasyn buzǵan tsıfrlyq valıýta aınalymyn uıymdastyrýshylarǵa qoldanylady.
Zań jobasynda tirkeýsiz nemese Reseı bankiniń tıisti ruqsatynsyz júrgizilgen zańsyz tsıfrlyq valıýta aınalymy úshin jaza qarastyrylǵan. Qylmystyń mindetti elementi — iri kólemde materıaldyq zalal keltirý nemese iri kólemde tabys tabý. Іri kólemde zalal keltirýdiń shegi 3,5 mıllıon rýbl, al iri kólemde zalal úshin 13 mıllıon rýbl bolyp belgilengen.
Mundaı qylmys jasaǵany úshin 300 000 rýblge deıin aıyppul salý, májbúrli jumysqa tartý nemese tórt jylǵa deıin bas bostandyǵynan aıyrý jazasy kózdelgen. Eger áreket uıymdasqan toptyń quramynda jasalsa nemese asa iri kólemde zalal keltirse nemese paıda tapsa, eń joǵary jaza jeti jylǵa bas bostandyǵynan aıyrýǵa deıin artady.
Qylmystyq isterdi aldyn ala tergeý Reseı Tergeý komıteti men Federaldy qaýipsizdik qyzmetiniń tergeýshilerine tapsyrylady.
Buǵan deıin AQSh-tyń krıptovalıýtamen baılanysty alaıaqtyqtan 11 mlrd dollar joǵaltqany habarlanǵan bolatyn.
