Reseı Vostochnyı ǵarysh aılaǵynan alǵashqy ushyrylymdy júzege asyrýǵa ázirlenýde

ASTANA. QazAqparat - «Soıýz-2.1a» ǵaryshtyq zymyrany búgin tehnıkalyq keshennen áketilip, «Vostochnyı» ǵarysh aılaǵynyń ushyrý júıesine ornatyldy, dep habarlady Reseıǵarysh baspasóz qyzmeti.

Baspasóz qyzmetiniń habarlaýynsha, daıarlyq jumystaryn júrgizý úshin ushyrý keshenine utqyr qyzmet kórsetý munarasy jetkizildi. Alǵashqy ushyrý kúniniń kestesi boıynsha jumystar bastaldy. Zymyran-tasyǵyshtyń júıelerimen jáne «Volga» shyǵarý blogymen tekserý jáne synaq jumystary josparlanǵan.

«Soıýz-2.1a» zymyran-tasyǵyshy men «Lomonosov», «Aıst-2D» jáne SamSat-218 («SamSat-218») ǵarysh apparattaryn Amýr oblysyndaǵy Vostochnyı birinshi azamattyq ǵarysh aılaǵynan ushyrý 2016 jylǵy 27 sáýirge máskeý ýaqytymen saǵat 05:01-ge josparlanǵan.