Reseı vıtse-premeri: janarmaıǵa qatysty másele baqylaýda
MÁSKEÝ.KAZINFORM - Reseıdiń ishki janarmaı naryǵyndaǵy jaǵdaı el úkimetiniń baqylaýynda, al keıbir aımaqtardaǵy tapshylyq máseleleri tikeleı sheshilip jatyr, dep málimdedi vıtse-premer Aleksandr Novak, dep habarlaıdy agenttik tilshisi.

Onyń aıtýynsha, jaǵdaı tolyq baqylaýda. RF Energetıka mınıstrligi óńirlermen shtab jaǵdaıynda jumys isteýde, jalpy alǵanda el boıynsha suranys pen usynys balansy qamtamasyz etilgen. Birqatar óńirlerdegi qamtýdaǵy qıyndyqtar tikeleı rettelip, munaı ónimderiniń jetkizilýi men bar bolýy qamtamasyz etilýde.
Benzın men dızel óndirisin arttyrý úshin ártúrli hımııalyq elementter men qospalardy paıdalaný máseleleri qarastyrylyp jatyr.
Buǵan deıin Reseıdiń janarmaı odaǵy Novakqa janarmaı satylymynyń tabysy tómen deńgeıde ekenin jánk keıbir táýelsiz stantsııalardyń jabylyp jatqanyn aıtyp hat joldaǵan edi. Odaq dereginshe oǵan janarmaıdyń jetkizilýine qatysty qıyndyqtar men taýap tapshylyǵy sebep.
RF úkimeti ishki naryqtaǵy turaqtylyqty saqtaý úshin benzın eksportyna ýaqytsha tyıymdy uzartty jáne basqa da janarmaı túrlerine shekteýler engizdi.
Reseı úkimetiniń habarlamasynda aıtylǵandaı, jańa qaýlyǵa sáıkes avtokólik benzınin el aýmaǵynan shyǵarýǵa ýaqytsha tyıym salyndy. Ol 2025 jyldyń 31 jeltoqsanyna deıin kúshinde bolady jáne barlyq eksporttaýshylarǵa, sonyń ishinde óndirýshilerge de qatysty. Buǵan deıin benzındi óndirýshilerge qyrkúıektiń sońyna deıin, al óndirýshi emes eksporttaýshylarǵa qazan aıynyń sońyna deıin shyǵarýǵa tyıym salynǵan bolatyn.
Sondaı-aq dızel otynyn, keme otynyn jáne basqa gazoıl túrlerin, sonyń ishinde bırjadan satyp alynǵandaryn da eksporttaýǵa tyıym engizildi. Bul shekteýler 2025 jyldyń 31 jeltoqsanyna deıin qoldanysta bolady. Alaıda kórsetilgen janarmaı túrlerin tikeleı óndirýshilerdiń eksporttaýyna shekteý qoıylmaıdy.
Buǵan deıin de Reseı naryǵyna qatysty jazǵan bolatynbyz.