Reseı ulttyq ulanynyń qyzmetkeri tórt áriptesin atyp óltirdi
ASTANA. QazAqparat - Sheshenstan Respýblıkasyndaǵy Reseı ulttyq ulanynyń qyzmetkeri tórt áriptesin atyp óltirdi, dep habarlaıdy QazAqparat TASS agenttigine silteme jasap.
Aldyn ala aqparat boıynsha, oqıǵa dúısenbi kúni tús aýa Shelkovskaıa stanıtsasynda Soltústik Kavkaz okrýgindegi RF ulttyq ulanyna qarasty áskerı bólimshelerdiń birinde bolǵan.
Vedomstvonyń baspasóz qyzmetinen málim etkendeı, leıtenant kazarmada tórt áriptesine qarsy oq atqan. Olar alǵan jaraqattarynan kóz jumdy. Kezekshi bólim sol jerde áskerı qyzmetshiniń kózin joıdy. Qyzmettik tekseris taǵaıyndaldy. Barlyq mán-jaıdy anyqtaý úshin áskerı bólimshege Reseı ulttyq gvardııasy Ortalyq apparatynyń bir top ofıtseri attandyryldy.
