Reseı Ýkraınanyń eýrobondtaryn satyp alýdy doǵara turmaq
ASTANA. QazAqparat - Reseı Ýkraınada jańa úkimet pen ekonomıkalyq saıasat qaıta qalyptasqanǵa deıin bul elden eýrooblıgatsııalardy satyp alýdy toqtata turady. Reseılik buqaralyq aqparat quraldarynyń habarlaýynsha, bul jaıynda RF Qarjy mınıstri Anton Sılýanov málim etti.
«Biz shynymen de ótken aptada eýrobondtardy satyp alý máselesin talqyladyq. Degenmen, Ýkraınadaǵy ahýaldyń kúrt ózgerýine baılanysty bizderge qandaı úkimetpen jumys isteıtindigimizdi túsiný qajettigi týyndap otyr. Biz jańa úkimettiń qurylǵanyn kútip, olardyń ekonomıkalyq saıasattaryn túsinýge nıettimiz», - dedi ol.
Onyń atap ótýinshe, ótken jyly Reseı Ýkraınanyń úsh mlrd. dollarǵa teń eýrooblıgatsııalaryn satyp aldy.
