Reseı-Ýkraına shekarasynda er adam ózin-ózi jaryp jiberdi
ASTANA. 4 qazan. QazAqparat - Ýkraınanyń memlekettik shekara qyzmeti Sým oblysynda shekara beketinde bolǵan jarylysqa baılanysty Ýkraına-Reseı shekara ýchaskesinde kúzetti kúsheıtilgen rejimge kóshirdi.
Interfakstan habarlaǵandaı, er adamnyń tól qujatyn tekserý kezinde Reseıden Ýkraınaǵa ótpek bolǵan ol jarylǵysh zatty iske qosqan.
Álgi azamat sol jerde jan tapsyrdy, eki shekarashynyń jaǵdaıy aýyr.
Aqparatqa qaraǵanda, Reseıden Ýkraınaǵa ótetin jerge moldavııalyq nómiri bar shaǵyn avtobýs kelgen. Іshindegi 4 jolaýshy Moldavııanyń azamattary bolǵan. Mashınany qaraý kezinde salonda jasyrynǵan taǵy bir adam tabylǵan.
Qosymsha tekserý kezinde tólqujatty baqylaý kabınasynda ustalǵan adam ózin-ózi jaryp jibergen. Bul oqıǵa Máskeý ýaqyty boıynsha 01:46-da bolǵan.
Qazir «Bachevsk» beketi arqyly adamdar men kólikterdiń ótýi toqtatyldy.
«Bolǵan jaǵdaıǵa baılanysty Reseı tarapyna habar berildi», - dep qosty Ýkraınanyń memlekettik shekara qyzmetinen.
