Reseı Ýkraına kelissózderi konstrýktıvti ótti - Vladımır Medınskıı

YSTANBUL. TASS-QazAqparat - Ystanbulda Reseı men Ýkraına arasyndaǵy betpe-bet kelissózder raýndy aıaqtaldy. Bul týraly tilshilerge seısenbi kúni Máskeý men Kıev delegatsııalarynyń kezdesýiniń qorytyndysy boıynsha Reseı delegatsııasynyń basshysy, prezıdent kómekshisi Vladımır Medınskıı málimdedi, dep habarlaıdy QazAqparat TASS aqparat agenttigine silteme jasap.

«Ýkraın tarapymen kelissózder aıaqtaldy. Kelissózder konstrýktıvti ótti», - dedi ol.

Medınskııdiń aıtýynsha, Reseı deeskalatsııa úshin Ýkraınaǵa eki qadam jasap tur.

Reseı delegatsııasy Ystanbulda ýkraın tarapynan naqty tujyrymdalǵan ustanym men usynystar qabyldady. Olar zerttelip, el basshylyǵyna jetkiziledi, dedi Medınskıı.

«Biz Ýkraınadan qarastyrý úshin usynystaryn, onyń kelisimge qosý týraly naqty tujyrymdalǵan ustanymyn aldyq. Bul usynystar aldaǵy ýaqytta qaralyp, Prezıdentke usynylatyn bolady jáne tıisti jaýabymyz beriledi», - dedi ol.

Kelisim boıynsha jumys tez atqarylyp, ymyraǵa keletin bolsaq, bitimge kelý múmkindigi jaqyndaı túsedi, dedi Medınskıı.

Sondaı-aq, Reseı qorǵanys mınıstrligi Kıev jáne Chernıgov baǵyttarynda áskerı belsendilikti kúrt tómendetý sheshimin qabyldady, dep jazady TASS vedomstvo basshysynyń orynbasaryna silteme jasap.