Reseı Úkimeti BAM men Transsibir magıstralyna 260 mlrd. dollar bólýdi maquldady
ASTANA. 27 shilde. QazAqparat - RF Úkimeti Baıkal-Amýr jáne Transsibir magıstraldaryna 562 mıllıard rýbl bólý baǵdarlamasyn maquldady, onyń 260 mıllıardyn memleket bóledi. Bul týraly reseılik «Jańalyqtar» agenttigine Kólik mınıstrliginiń basshysy Maksım Sokolov málim etti.
110 mıllıard memleket qarjysy tikeleı bıýdjetten, 150 mıllıardy - Ulttyq ál-aýqat qorynan bólinedi. UÁQ jylyna 50 mıllıard qarjy bólip otyrady, oǵan aıyrbasqa RTJ óziniń artyqshylyqty aktsııalaryn beredi.
Prezıdent Vladımır Pýtın osy magıstraldardy damytýǵa arnalǵan keńeste ony jańǵyrtýǵa jeke ınvestorlar da qatysa alatyn málimdedi. Jobalardyń qunyn baǵalaýǵa qarjy konsýltanty tartylady.
BAM men Transsibti jańartý jumystary kelesi jyldyń ózinde bastalmaq. Sonyń nátıjesinde magıstraldardyń ótkizý qabiletin ulǵaıtý josparlanýda. Pýtın sońǵy bes jylda qıyrshyǵystyq porttar baǵytyna ǵana júk tasymaly 55 paıyzǵa ósip, bes jylda 110 mıllıon tonnany quraǵanyn keltirdi.
BAM men Transsib álemdegi eń uzyn temirjol magıstraldarynyń biri. Transsibti salý 1891 jyly bastaldy, al BAM - 1938 jyly bastaldy. Magıstraldardy jańartý júk aǵynynyń artýyna jáne ınfraqurylymynyń tozýyna baılanysty qolǵa alynǵaly otyr.
