Reseı Úkimet basshysymen sóılesýi barysynda Qazaqstan Premer-Mınıstri Vıktor Chernomyrdınniń qaıtys bolýyna baılanysty kóńil aıtty
ASTANA. 4 qarasha. QazAqparat - Qazaqstan Respýblıkasynyń Premer-Mınıstri Kárim Másimov pen Reseı Federatsııasy Úkimetiniń Tóraǵasy Vladımır Pýtın telefon arqyly sóılesti,
dep habarlaıdy Úkimet basshysynyń baspasóz qyzmeti.
K.Másimov Reseıdiń burynǵy Úkimet basshysy bolǵan Vıktor Stepanovıch Chernomyrdınniń qaıtys bolýyna baılanysty kóńil aıtty.
3 qarasha kúni bolǵan áńgimelesý barysynda Keden odaǵy men Biryńǵaı ekonomıkalyq keńistiktiń qurylýy aıasyndaǵy ekijaqty ózara is-qımyl máseleleri talqylandy.
