Reseı ýədesin oryndamasa, Sırııa oppozıtsııasy Astanaǵa kelýden bas tartpaq

ASTANA. QazAqparat - Astana protsesine qatysqan Sırııa qarýly oppozıtsııasynyń basshysy, Jenevadaǵy delegatsııa múshesi Mohammad Allýsh RIA Novostı-ǵa Reseı  tatýlyq kepili retinde bergen ýədelerin oryndasa ǵana Astana protsesin jalǵastyrýǵa bolady dep málim etti. 

Oppozıtsııa basshysy sondaı-aq kelissózderden Irandy shettetýge shaqyrǵan.

Allýshtyń aıtýynsha, oppozıtsııalyq delegatsııa Astana protsesiniń birinshi jəne ekinshi  raýndtaryna attanǵan kezde taraptar bir məmilege keledi dep qatty úmittengen.

"16-17 aqpan kúnderi Astanada ótken kezdesý kezinde Reseı delegatsııasynyń basshysy Aleksandr (Lavrentev -agenttik) QR Syrtqy ister mınıstri orynbasarynyń kózinshe maǵan əýeden soqqy berýdi toqtatamyz dep ýəde bergen. Alaıda, biz Astanadan oralǵan kezde əýesoqqylar tipti jıilep ketti. Biz Túrkııa tarapy arqyly qarsylyq notasy men eki kúndegi əýe soqqylarynyń sanyn jiberdik",-deıdi Allýsh BUU qamqorlyǵynyń aıasynda Jenevada ótip jatqan sırııaaralyq kelissózder kezinde sóz ala otyryp.

Endi naýryz aıynda Astanada ótedi dep josparlanǵan Astana protsesiniń úshinshi raýndy óte me, joq pa, ótse, Sırııa oppozıtsııasy qatysa ma, joq pa degen məseleler týyndap otyr.

"Alyp qarasaq, orystardyń bizge qatysty aıtqan sózi shyndyqqa janaspaıdy. Men olardy bergen ýədelerin oryndaýǵa shaqyramyn jəne Irandy kelissózderden shettetýge shaqyramyn. Eger de Reseı bunyń aldyndaǵy ýədelerin oryndamasa, biz Astanaǵa barmaımyz",-degen ol jýrnalısterdiń suraǵyna jaýap bere otyryp.