Reseı tynyshtyq rejımin jarııalap, turǵyndardyń shyǵýyna gýmanıtarlyq dáliz ashty

MÁSKEÝ. TASS-QazAqparat – Reseı tynyshtyq rejımin jarııalap, Marıýpol men Volnovaha turǵyndarynyń óńirden ketýine múmkindik berdi. Bul týraly jýrnalısterge senbi kúni Reseıdiń Qorǵanys mınıstrligi málim etti, dep habarlaıdy QazAqparat TASS agenttigine silteme jasap.

«Búgin, 5 naýryz kúni, Máskeý ýaqytymen tańǵy saǵat 10-nan bastap Reseı tarapy tynyshtyq rejımin jarııalaıdy. Marıýpol men Volnovahanyń beıbit turǵyndarynyń óńirden shyǵýyna gýmanıtarlyq dáliz ashylady», - delingen vedomstvo aqparatynda.

Reseıdiń Qorǵanys mınıstrligi gýmanıtarlyq dáliz marshrýttary Ýkraına tarapymen kelisilgenin naqtylady.