Reseı Túrkııa, Japonııa, Taıland jáne Vetnammen áýe qatynasyn úzedi
MÁSKEÝ .TASS-QazAqparat – 23 naýryzdan bastap Reseı koronavırýsty juqtyrý jaǵdaılary anyqtalǵan elderge arnalǵan reısterge jańa ýaqyt shekteýlerin engizdi. Bul týraly Reseı avıatsııasynyń telegram kanalynda habarlandy, dep habarlaıdy QazAqparat TASS agenttigine silteme jasap.
Jedelhatta kórsetilgendeı, Túrkııaǵa (tek Ystanbulǵa reıster ruqsat etilgen), Japonııaǵa (tek qana Tokıo), Vetnam (tek qana Hanoı), Taıland (Bangkok) jáne Úndistanǵa (Nıý-Delı) reıster shekteletin bolady.
Burynǵydaı reseılik avıakompanııalar saıahatshylardy úılerine qaıtarý úshin turaqty charterlik reısterdi oryndaý quqyǵyn aldy.
Jedelhatta 23 naýryzdan bastap Reseıden 19 naýryzda koronavırýstyń taralý jaǵdaılary anyqtalǵan shet elder aýmaǵyna jolaýshylardy áýe arqyly tasymaldaýǵa ýaqytsha shekteýler engiziletini aıtylǵan. Bul sharalar Reseıden shet elderge ushatyn jolaýshylar reısterine buǵan deıin engizilgen shektýlerge qosymsha engizilgen.
23 naýryzdan bastap reseılik áýe kompanııalary Túrkııaǵa charterlik reısterdi Reseı azamattary tolyq shyqqansha jasaı alady. 23 naýryz saǵat 00: 00-den bastap Máskeý men Ystanbul arasyndaǵy turaqty reıster saqtalady, charterlik reıster Reseı Federatsııasynyń azamattaryn tolyq tasymaldaǵansha jalǵasady.
Sondaı-aq, óńirlerden kýrorttyq baǵyttarǵa ushatyn reıster jappaı shekteletin bolady: Máskeýden Kolýmbııa, Domınıkan Respýblıkasy, Argentına, Kambodja jáne Bagam araldary, Kýba men Maldıv astanalaryna, sondaı-aq Indonezııadaǵy Balı aralyndaǵy Denpasarǵa ushýǵa bolady.
Odan bólek, Qytaıǵa ushatyn reıster qaıtadan qysqarady, bul joly tek Máskeý - Beıjiń reısteri qalady.
