Reseı týrısteri Astanany TMD-daǵy eń qymbat qala dep atady
SANKT-PETERBOR. 15 qańtar. QazAqparat - Reseılik týrıster Qazaqstan astanasyn TMD boıynsha eń qymbat qala dep atady. Bul týraly Oktogo.ru. qonqúılerdi onlaın-brondaý qyzmetine silteme jasap Reseıdegi menshikti tilshimiz habarlady.
Reıtıng reseılikterdiń 2013 jylǵy TMD elderindegi qonaqúılerdi brondaý týraly málimetteriniń negizinde jasalǵan. Burynǵy KSRO keńistigindegi eń tanymal qala retinde Ýkraınanyń astanasy Kıev ataldy. Tanymal qalalardyń úshtigine sonymen birge Mınsk pen Odessa da engen. Odan keıingi oryndarda Kıshenev, Almaty, Baký, Lvov, Astana, Erevan jáne Tashkent. Zertteý málimetteri boıynsha, Qazaqstan astanasynda reseılikter qonaqúıde turý úshin ortasha eseppen táýligine 6,3 myń rýbl (190 dollar), al Moldavııa astanasynda táýligine 2,7 myń rýbl (82 dollar) jumsaǵan.
