Reseı turǵyndary qostanaılyq polıtseılerge alǵys bildirdi

QOSTANAI.QazAqparat – Jol-kólik oqıǵasyna ushyraǵan Reseı turǵyndaryna Qostanaı oblysy Fedorov aýdanynyń polıtseıleri kómek kórsetti, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Reseı turǵyndary Rýdnyı qalasyna qonaqqa kelgen. Olar mingen kólik Fedorov aýdany Vladykın aýylynyń mańynda jol-kólik oqıǵasyna ushyraıdy. Aldyn ala málimet boıynsha júrgizýshi rýlge ıe bola almaı, kólik jol jıegine shyǵyp ketken.

«Habar alǵan patrýldik polıtsııa qyzmetkeri Amanjol Keneskenov oqıǵa ornyna birinshi bolyp keldi. Aǵa leıtenant júrgizýshige jáne onyń jubaıyna alǵashqy kómek kórsetti, artynsha «Reno» kóligin tasymaldaý úshin evakýator shaqyrdy. Qıyndyqqa tap bolǵan Reseı azamaty Inna Amoskına Fedorov aýdanynyń polıtsııa bóliminiń polıtseılerine alǵysyn bildirdi», - deıdi vedomstvonyń baspasóz qyzmetindegiler.