Reseı turǵyn úı máselesin Qytaı ınvestorlary arqyly sheshpek
ASTANA. QazAqparat - Reseı Federatsııasynyń «Vneshekonombanki» (VEB) Reseıde jaıly ekonom-klastaǵy turǵyn úılerdi salý úshin birneshe mlrd. shetel ınvestıtsııasyn tartýdy kózdep otyr, dep habarlady newsru.com.
Jaqynda Beıjińde ótken sammıtte RF Prezıdenti V.Pýtın men QHR Tóraǵasy Sı Tszınpın arasynda «VEB» jáne onyń quramyndaǵy «VEB Asia» kompanııasy men Qytaıdyń Memlekettik damý banki jáne Turǵyn úı boıynsha ıpotekalyq nesıe agenttigi arasynda memarandýmǵa qol qoıylǵan bolatyn.
«Qol qoıylǵan qujat arqyly biz ıpoteka naryǵyna, onyń ishinde kommertsııalyq baǵyttaǵy jáne áleýmettik turǵyn úı salýǵa qytaı ınvestorlaryn tarta alamyz. Qytaılardyń qarjylandyrýy arqyly biz qoljetimdi, jaıly baspana máselesin sheshemiz», - dedi VEB basshysy Vladımır Dmıtrıev. Sondaı-aq, qytaı ınvestorlaryna Máskeý bıligi de ıek artyp otyr. Olar qytaılyq ınvestorlardy metro qurylysyn qarjylandyrýǵa shaqyryp otyr. Munymen qatar, Qurylys mınıstrligi «Reseı otbasylaryna turǵyn úı» baǵdarlamasyna da qytaı qurylysshylaryn tartpaq.
