Reseı: Tý-154 ushaǵynyń «qara jáshigi» tabyldy
ASTANA. QazAqparat - Jeksenbi kúni Sırııadaǵy reseılik bazaǵa bet alyp, Sochıden ushyp shyqqan soń Qara teńizge qulaǵan Tý-154 ushaǵynyń negizgi «qara jáshigi» tabyldy, dep habarlady Reseı qorǵanys mınıstrligi.
Taıaý saǵattarda ony Máskeý mańyndaǵy RF QM ÁÁK ortalyq ǵylymı-zertteý ınstıtýtyna aparady.
Apat aýmaǵy túni boıy toqtaýsyz tekserildi. Ushaq qulaǵan jerdi egjeı-tegjeıli barlaýǵa negizgi kúsh jumyldyryldy. Máskeý ýaqyty boıynsha 5.42-de jaǵalaýdan 1600 metr qashyqta 17 metr tereńdikten «Falkon» apparatymen borttyń «qara jáshigi» tabyldy», - delingen áskerı vedomstvo habarlamasynda.
Budan basqa, seısenbidegi tańerteńgi derekterge sáıkes apatta qaza tapqan 12 adamnyń denesi, 156 dene bólshekteri, ushaqtyń fıýzelıaj jáne qozǵaltqysh bóligi tabyldy.
Tý-154 ushaǵy Chkalovskıı aılaǵynan Sırııaǵa bet alǵan. Sochıge qonyp, janarmaı toltyryp, jeksenbi tańerteń apatqa ushyrady.
