Reseı Tramptyń Ýkraınadaǵy qaqtyǵysty retteý týraly málimdemesin nazarǵa aldy

ASTANA. KAZINFORM — Kreml AQSh prezıdenti Donald Tramptyń Ýkraınadaǵy qaqtyǵysty retteý merzimderin qysqartý jáne joǵarǵy deńgeıdegi baılanystarǵa qyzyǵýshylyqtyń joqtyǵy týraly málimdemesimen tanysty, dep habarlaıdy TASS.

— Biz Tramptyń keshegi málimdemesin nazarǵa aldyq, — dep jaýap berdi Reseı prezıdentiniń baspasóz hatshysy Dmıtrıı Peskov.

Amerıkalyq basshynyń sózderine baǵa bergisi kelmeıtinin aıtty.

14 shildede Tramp eger Máskeý men Vashıngton 50 kún ishinde Reseı men Ýkraına arasyndaǵy qaqtyǵysty retteý týraly kelisimge kele almasa, Reseı men onyń saýda seriktesteri úshin ımporttyq baj salyǵyn shamamen 100 paıyzǵa deıin engizýdi josparlap otyrǵanyn málimdedi.

Odan buryn, Shotlandııada Ulybrıtanııanyń premer-mınıstri Kır Starmermen birlesken baspasóz konferentsııasynda AQSh prezıdenti 50 kúndik merzimdi qysqartyp, Vladımır Pýtınge dúısenbiden bastap 10-12 kún ishinde Reseı men Ýkraına arasyndaǵy qaqtyǵysty retteýdi usynǵanyn aıtty.