Reseı Tokıo Olımpıadasynan shettetilýi múmkin – The Telegraph
«Antıdopıng bıligi Reseı keltirgen dálelderdiń talapqa saı emes ekenin málimdedi. Reseıdiń sport basshylary dúısenbi kúni Búkilálemdik dopıngke qarsy kúres agenttigimen kezdesedi», dep jazady basylym.
Jaqynda búkilálemdik dopıngke qarsy kúres agenttigi Máskeý zerthanasynyń jumysynan kúmándi qujattar tabylǵanyn málimdegen edi. «Kezdesýde «Rýsada» dopıngke qarsy kúres agenttiginiń dálelderi de talapqa saı emestigi aıtylady dep boljanyp otyr. Tokıodaǵy VADA atqarý komıtetiniń otyrysynda «Rýsada» sharttardy oryndamaǵanyn habarlamaq», dep jazady basylym.
Avtordyń aıtýynsha, aldaǵy eki aıda Reseı sport organdarynyń ereje buzǵanyna jańa dálelder paıda bolady.
«VADA ókilderiniń aıtýynsha, bul Reseı sportshylarynyń Tokıo olımpıadasyna qatysý múmkindigine keri áser etedi», dep jazady avtor.
«Reseı Federatsııasynyń jeńil atletteri 2016 jyldan bastap jarystarǵa qatysa almaıdy jáne juma kúni bastalatyn jeńil atletıkadan álem chempıonatyna da qatysa almaıdy», dep jazady basylym.
Avtordyń habarlaýynsha, Reseı dopıngke qarsy zertteý nátıjelerin VADAǵa usynbas buryn «Reseı sportshylarynyń júıeli túrde dopıng qoldanatynyn» jasyryp, úshin manıpýlıatsııa jasaǵan.
