«Reseı temir joldary» qyzmetkerlerdi jappaı qysqartýdy josparlap otyr
MÁSKEÝ.KAZINFORM – Bıylǵy jyly «Reseı temir joldary» AQ ortalyq apparattaǵy qyzmetkerlerdiń shamamen 6 myńyn nemese shamamen 15%-yn qysqartýdy josparlap otyr, dep habarlaıdy agenttik tilshisi reseılik BAQ-qa silteme jasap.
— Qurylym men fýnktsııalarǵa taldaý júrgizildi, soǵan sáıkes shtat sany qysqartylady. Bul eń aldymen ákimshilik-basqarý apparatyna, onyń ishinde fılıaldar basshylyǵyna qatysty. Jalpy alǵanda shamamen 6 myń adam qysqartylady, — dedi kompanııa basshysy Oleg Belozerov.
RJD basshysy sondaı-aq 2019–2025 jyldarǵa arnalǵan eńbek ónimdiligin arttyrý baǵdarlamasy 300 mlrd rýbl kóleminde qarjylyq nátıje bergenin, al bıyl bul kórsetkish 74 mlrd rýbl deńgeıinde josparlanyp otyrǵanyn atap ótti. RJD barlyq baǵyttar boıynsha ilgerilep keledi: tehnologııalyq damý, shyǵyndardy qysqartý, elektr energııasy men dızel otynyn únemdeý, tasymaldyń senimdiligin arttyrý jáne jóndeý jumystarynyń sanyn azaıtý. Bul sharalar uıymdyq qurylymdy transformatsııalaý men ońtaılandyrýdy da qamtıdy.
Ol sondaı-aq jumys birneshe baǵyt boıynsha qatar júrgizilip kele jatqanyn túsindirdi: tehnologııalyq damý, shyǵyndardy azaıtý, elektr energııasy men dızel otynyn tutynýdy ońtaılandyrý, sondaı-aq tasymaldaý protsesiniń senimdiligin arttyrý jáne jóndeý jumystary kólemin qysqartý. Kompanııanyń uıymdyq qurylymyn transformatsııalaý jáne jeńildetý mańyzdy baǵyttardyń biri bolyp qala beredi.
Eske salaıyq, 2025 jyldyń toǵyz aıynyń qorytyndysy boıynsha RJD qarjylyq nátıjeleri 4 mlrd rýblden astam shyǵyndy kórsetti. Qańtar aıynda kompanııa Federaldyq júk kompanııasynyń 49% aktsııasyn satý týraly sheshim qabyldady. Boljamdy mámile somasy shamamen 44 mlrd rýbldi quraýy múmkin.
Basqarý apparatyn qysqartý josparlary týraly 2025 jyldyń qazan aıynda habarlanǵan bolatyn. Sol kezde qyzmetkerler sanyn qysqartý jáne qurylymdyq ózgerister josparyn usyný tapsyrylǵan edi.
Buǵan deıin Memleket basshysy jańa temirjol jelilerin iske qosýdy tapsyrdy.
