Reseı teatrynda operanyń jańa túri qoıylmaq
ASTANA. QazAqparat - Reseılik rejısser ıÝrıı Aleksandrov opera-mıtıng dep atalatyn jańa opera janryn oılap tapty. Onyń ereksheligi mýzykalyq-dramalyq qoıylymǵa kórermen de qatysady, dep habarlaıdy «RIA Novostı».
Teatr ákimshiliginiń habarlaýynsha, "Sankt-Peterbýrg Opera" teatrynda erekshe qoıylym, «Krym» operasynyń premerasyna daıyndyq júrip jatyr. Qoıylym ıdeıasynyń avtory, rejısseri - teatrdyń shyǵarmashylyq jetekshisi, Reseı halyq ártisi ıÝrıı Aleksandrov.
«Aıta ótý kerek, bul jerde basty nazar aýdaratyn másele - ıÝ.Aleksandrov jańa opera janryn jasaýshy bolyp otyr» delingen habarlamada.
«Krym» opera-mıtıngisinde kórermen dramalyq shyǵarmaǵa qatysa otyryp, tarıhı oqıǵalardyń kýási bolmaq. Shyǵarmada orys-túrik soǵysy, Uly Otan soǵysy jáne búgingi «Maıdan» oqıǵasy baıandalady.
«Biz spektaklde qazirgi kezdegi oqıǵalarǵa shyǵarmashylyq kózqaraspen qaraımyz. Onyń mazmuny - qarapaıym adamdar týraly. Olardyń úndemeı qalýǵa bolmaıtyn jan jarasy jaıynda. Qoıylym júrekterdi tebirentip, adamgershilik sezimdi oıatady degen úmittemin», - deıdi ıÝ.Aleksandrov.
