Reseı teatr óneri ınstıtýty qazaqstandyq rejısserlerge 5 grant bóledi
ASTANA. KAZINFORM – Eýropadaǵy eń iri teatr salasy boıynsha bilim beretin Reseı teatr óneri ınstıtýty (GITIS) qazaqstandyqtarǵa grantta oqýǵa múmkindik bermek. QR Mádenıet jáne aqparat mınıstrligi RF Mádenıet mınıstrligimen «Teatr rejıssýrasy» mamandyǵy boıynsha 5 bıýdjettik oryn bólý týraly kelisimge keldi.
Konkýrsqa kolledj túlekteri, sondaı-aq qazirgi teatr mamandary qatysa alady. 2024 jylǵy 5 shildege deıin myna siltemedegi qujatty toltyra otyryp ótinim bere alady.
Negizgi aqparattan basqa, úmitker ózi týraly vıdeony birge júkteý qajet, sonymen qatar rejıssýrany tańdaý sebebine de toqtala ketken jón. Birinshi kezeńnen ótken úmitkerler Almatyda arnaıy komıssııa ótkizetin oflaın kezdesýge (05.07.24 -12.07.24) shaqyrylady.
Eske sala keteıik, buǵan deıin memlekettik bilim granttary qandaı mamandyqtarǵa kóp bólinetinin habarlaǵan bolatynbyz.
