Reseı «Taısoıǵan» polıgonyndaǵy 624 myń gektar jerdi qaıtarýda

ATYRAÝ. QazAqparat - Reseı Federatsııasy Qazaqstanǵa Atyraý oblysy «Taısoıǵan» áskerı polıgonyndaǵy 624 myń gektar jerdi qaıtarýda, dep habarlaıdy «QazAqparat» HAA tilshisi.

«Reseılik áskerılerge Atyraý oblysy Qyzylqoǵa aýdanyndaǵy polıgon aýmaǵynda 749,6 myń gektar jer jalǵa berilgen edi. Qazirgi tańda eki el arasynda jasalǵan kelisim boıynsha 624 myń gektar jerdi qaıtarý protsesi júrgizilip jatyr», - dep habarlady oblystyq jer qatynastary basqarmasynyń basshysy Arman Bajenov Óńirlik kommýnıkatsııalar qyzmetiniń brıfınginde.

Reseılik áskerıler buryn polıgon aýmaǵy bolǵan «Taısoıǵandy» jalǵa alsa da, ony paıdalanǵan joq. Sondyqtan, bul jerlerdi sharýalarǵa berýge eshqandaı kedergi joq.