Reseı tarapynan tranzıtke qatysty eshqandaı másele joq – AShM
ASTANA. KAZINFORM – Aýyl sharýashylyǵy mınıstri Aıdarbek Saparov Reseı tarapynan tranzıtke qatysty eshqandaı másele joq ekenin atap ótti.
2025 jylǵy qańtarda Aýyl sharýashylyǵy mınıstri Aıdarbek Saparov pen Reseı Federatsııasynyń mınıstri Oksana Lýt arasyndaǵy kelissózder barysynda Qazaqstannan Reseı Federatsııasy arqyly aýyl sharýashylyǵy ónimderin tasymaldaý máseleleri sheshildi.
Rosselhoznadzor tarapynan shekteýlerdiń alynyp tastalýyna qatysty suraqqa jaýap bere otyryp, Aýyl sharýashylyǵy mınıstri Aıdarbek Saparov Reseı tarapynan tranzıtke qatysty eshqandaı másele joq ekenin atap ótti.
- Qazirgi ýaqytta Reseıge bıdaı, jasymyq jáne maıly daqyldardy ımporttaýǵa ýaqytsha shekteýler qoıylǵan. Alaıda, bul ónim túrleri boıynsha Reseı óz qajettilikterin tolyq qamtamasyz etkendikten, reseılik naryq qazaqstandyq óndirýshiler úshin maqsatty naryq bolyp tabylmaıdy, - delingen AShM habarlamasynda.
Aýyl sharýashylyǵy mınıstrligine qarasty AÓK Memlekettik ınspektsııa komıteti men Rosselhoznadzor ókilderiniń qatysýymen jaǵdaıdy retteý boıynsha kelissózder turaqty túrde júrgizilip otyrady.
Eske salsaq AShM Reseı arqyly Eýropaǵa bıdaı eksporttaý kólemi ulǵaıatyny týraly málimdegen edi.