Reseı sýtegimen júretin poıyz shyǵarmaq
ASTANA. KAZINFORM - Kelesi jyldyń ortasyna qaraı Reseıde sýtegi otyny elementterimen jumys isteıtin alǵashqy jolaýshylar poıyzyn jasaý josparlanyp otyr, dep habarlaıdy Kazinform agenttiginiń tilshisi jergiliki BAQ-tarǵa silteme jasap.
Bul týraly «Transmashholdıng» (TMH) kompanııasynyń jolaýshylar tasymalyn damytý jónindegi bas dırektorynyń orynbasary Aleksandr Loshmanov málimdedi.
Onyń aıtýynsha, keıin poıyz sertıfıkat alý úshin synaqtan ótetin bolady. 2027 jyldyń ortasyna qaraı barlyq synaqtardan ótken jańa ónim paıdalanýǵa daıyn bolady dep josparlanyp otyr.
2060 jylǵa deıin Reseı kómirtegi beıtaraptyǵyna jetýdi josparlap otyr. Sýtek - energııa teńgeriminde munaı men gazdy almastyra alatyn energııa resýrstarynyń biri. 2050 jylǵa deıin osyndaı otyndy paıdalanatyn kólik úlesi 1%-dan 14%-ǵa deıin ósedi dep josparlanyp otyr. Bul ózgeris temirjol kóligine de qatysty bolady.
TMH ókilderiniń aıtýynsha, sýtekti otyn - jolaýshylar kóligi úshin eń yńǵaıly nusqa. Ol ekologııalyq taza, sebebi odan qalatyn tútin ol tek sý býynan turady, ol jańartylatyn resýrs, óıtkeni sýtek - jer sharyndaǵy eń keń taralǵan element, ári qýaty jaǵynan qazirgi energııa kózderimen básekelese alady. Alaıda bul tehnologııanyń negizgi máselesi – ol sýtegin óndirýdiń, saqtaýdyń jáne tasymaldaý qunynyń joǵary bolýy.
«Gazprombank» ekonomıkalyq boljaý ortalyǵynyń aǵa sarapshysy Aleksandr Korobkonyń pikirinshe, kólikte sýtegin paıdalanýdyń basty artyqshylyqtary - onyń ekologıcheskııalyq tazalyǵy, lıtıı akkýmýlıatorarymen salystyrǵanda joǵary energııa syıymdylyǵy jáne uzaq qýattaýdy qajet etpeýi (janarmaı uıashyqtaryn toltyrý jetkilikti). Degenmen, Reseıde sýtegi otyny naryǵy áli qalyptasý kezeńinde. Qazirgi ýaqytta sýtegin qoldanatyn kólik túrleri joq. Bar úlgiler - keme men avtobýs. Olar ázirge prototıp retinde ǵana synaqtan ótip jatyr.
Sýtegin barlyq salalarda qoldaný múmkin bolǵanymen, eń yqtımal baǵyt - temirjol jáne sý kóligi. Sebebi bul jaǵdaıda janarmaı quıý stantsııalarynyń keń jelisin salý qajet emes, al dál osy faktor sýtegi energetıkasyn damytýdyń basty kedergileriniń biri bolyp otyr.
Buǵan deıin biz Almaty men Alataý qalasynyń arasynda sýtegimen júretin tikushaq-taksı paıda bolýy múmkin ekeni týraly jazdyq.