Reseı stýdentteri qazaqsha úırenip jatyr
ASTANA. 17 shilde. QazAqparat - Máskeý memlekettik lıngvıstıkalyq ýnıversıtetinde qazaq tiliniń oqytylyp jatqanyna on jylǵa taıady.
Osy ýaqyttyń ishinde reseılik stýdentter qazaqtyń tilin oqyp, dástúri men tarıhyn kóńiline toqydy, dep habarlaıdy «Qazaqstan» telearnasy.
Bıyl qazaq bóliminde bilim alyp, til ustartyp shyqqan reseılik stýdentterdiń ekinshi qarlyǵashtaryna dıplom tabystaldy.
Óz erikterimen qazaqshaǵa den qoıǵan stýdentter, bes jyldyń ishinde ana tilimizdi bir kisideı bilip alǵan.
Tildi úırenýge nıet pen júrek qalaýy kerek. Ózgeniń bári qur syltaý. Reseıde júrip-aq qazaqsha til syndyrǵan ózge ult ókilderiniń, Qazaqstandaǵy memlekettik tildi bilmeıtin, keleshekte úırengisi keletin jurtqa aıtary osy.
