Reseı soǵys qımyldaryn toqtatý týraly usynyspen kelisedi, biraq onyń sharttary bar – Pýtın

ASTANA. KAZINFORM – Reseı qaqtyǵysty toqtatý týraly usynyspen kelisedi, biraq ol uzaq merzimdi beıbitshilikke ákelip, Ýkraına daǵdarysynyń negizgi sebebin joıýy kerek. Bul týraly RF prezıdenti Vladımır Pýtın Belarýs Prezıdenti Aleksandr Lýkashenkomen kelissózder qorytyndysy boıynsha ótken baspasóz máslıhatynda málimdedi, dep habarlaıdy TASS.

– Biz soǵys qımyldaryn toqtatý týraly usynyspen kelisemiz, biraq bul toqtatý uzaq merzimdi beıbitshilikke ákeletin jáne daǵdarystyń negizgi sebepterin joıatyn bolýy kerek dep esepteımiz, - dep atap ótti Vladımır Pýtın.

Aıta keteıik, AQSh Prezıdentiniń Taıaý Shyǵys jónindegi arnaıy ókili Stıv Ýıtkoff Reseı basshylyǵymen kelissózder júrgizý úshin Máskeýge bardy. Kelissózde Vashıngtonnyń atysty 30 kúnge toqtatý týraly usynysy talqylanady degen boljam bar.

Reseı Federatsııasynyń Prezıdenti Vladımır Pýtın FQQ alqasynyń otyrysynda sóz sóıledi.