Reseı SІM Iran-Izraıl qaqtyǵysyna qatysty málimdeme jasady
ASTANA. KAZINFORM — Reseı syrtqy saıası vedomstvosy málimdemesinde Izraıl men Iran arasyndaǵy kelisimge dıplomatııa men kelissózder arqyly ǵana senimdi túrde qol jetkizýge bolatyny aıtylǵan, - dep habarlaıdy Kazinform tilshisi.
Sondaı-aq qujatta qazirgi shıelenisý búkil aımaqtaǵy jáne birinshi kezekte Izraıl jáne Iranmen shektesetin memleketterdegi jaǵdaıdyń odan ári turaqsyzdaný qaýpin týdyratyny atap ótilgen.
Reseı tarapy Agenttik basshylyǵy jaqyn arada MAGATE Ákimshilik komıteti men BUU Qaýipsizdik Keńesi qaraýy úshin egjeı-tegjeıli jazbasha baıandama daıyndaıdy dep kútedi.
Buǵan qosa, Reseı Iran tarapynyń ıAdrolyq qarýdy taratpaý týraly shart (ıAQTSh) boıynsha óz mindettemelerin oryndaýdy jalǵastyrýy jáne Tegerannyń ıadrolyq baǵdarlamasyna qatysty kez kelgen negizsiz kúdikter men teris paıymdaýlardy joıatyn yqtımal sheshimderdi ázirleý úshin AQSh-pen baılanysty qalpyna keltirýge daıyn ekendigi týraly naqty málimdemelerin atap ótedi.
- Negizi ıAQTSh bolyp sanalatyn ıAdrolyq qarýdy taratpaý maqsatyna agressııa jáne jazyqsyz qurbandar arqyly qol jetkizilmeýi kerek, - delingen habarlamada.
Aıta keteıik, 70-ten astam qazaqstandyq azamat Irannan shyǵýǵa járdem alǵan. Bul týraly QR Syrtqy ister mınıstrliginiń resmı ókili Aıbek Smadııarov málimdedi.
Buǵan deıin Iranda 132, Izraılde 219 Qazaqstan azamaty bar ekenin jazǵanbyz.
SІM Taıaý Shyǵys óńirindegi qaýipti áskerı shıeleniske baılanysty málimdeme jasady.