Reseı Syrtqy ister mınıstrligi azamattardy Aýǵanstanǵa barýdan bas tartýǵa shaqyrdy

ASTANA. KAZINFORM – Reseı Syrtqy ister mınıstrligi Reseı azamattaryna Aýǵanstanǵa jeke maqsatpen barýdan bas tartýdy usyndy.

«Máskeý Aýǵanstanda sheteldik týrısterge qarsy taǵy bir lańkestik áreket týraly aqparatqa alańdap otyr», - delingen Reseı Syrtqy ister mınıstrliginiń málimdemesinde.

Vedomstvonyń málimetinshe, 17 mamyrda belgisiz bireýlerdiń Bamıan qalasyndaǵy bazarda oq jaýdyrýy saldarynan úsh adam (Ispanııa azamattary) jáne taǵy tórt sheteldik (Aýstralııa, Ispanııa, Lıtva, Norvegııa) aýyr jaraqat aldy.

«Aýǵanstanda qaýipsizdikti qamtamasyz etýdegi asa kúrdeli jaǵdaı aıasynda Reseı SІM reseılik azamattarǵa bul elge jeke maqsatpen, sonyń ishinde týrızm baǵytynda barýdan bas tartýdy usynady», - dep habarlady RF SІM.

Aýǵanstandaǵy Bamıan alqaby ıÝNESKO-nyń Búkilálemdik mura tizimine engizilgen. Munda ornalasqan mádenıet, býddızm jáne Baktrııa tarıhynyń eskertkishteri sheteldik týrıster arasynda erekshe tanymal. Taýly Bamıanda 2001 jyly tálipter burynǵy bıligi kezinde jaryp jibergen eki alyp Býdda músininiń qaldyqtary bar.

Buryn habarlanǵandaı, Eýroodaq Aýǵanstandaǵy sheteldik týrısterge jasalǵan shabýyldy aıyptady.