Reseı Syrtqy ister mınıstri Lavrov Astanaǵa jumys saparymen keldi

ASTANA. KAZINFORM — Reseı Syrtqy ister mınıstri Sergeı Lavrov Astanaǵa kelip, beısenbi kúni QR Premer-Mınıstriniń orynbasary, Syrtqy ister mınıstri Murat Nurtileýmen kelissózder júrgizedi, dep habarlaıdy TASS aqparat agenttigi. 

Reseı Syrtqy ister mınıstriniń eki kúndik jumys sapary 6-7 qarashada ótedi. Nurtileýmen kelissózderden basqa, Lavrov Astanadaǵy joǵary oqý oryndarynyń biriniń oqytýshylary men stýdentterimen kezdesý ótkizedi.

Buǵan deıin RF SІM resmı ókili Marııa Zaharovanyń baıandaýynsha, kelissózder barysynda syrtqy ister vedomstvolarynyń basshylary Reseı Prezıdentiniń Qazaqstanǵa memlekettik saparyn daıyndaýǵa erekshe kóńil bóledi. Budan basqa, ekijaqty kún tártibi, sondaı-aq eki tarapty da qyzyqtyratyn ózekti halyqaralyq máseleler talqylanady.

«Sonymen birge, ortaq ıntegratsııalyq alańdarda, birinshi kezekte EAEO, UQShU, TMD, ShYU boıynsha ózara is-qımyl týraly pikir almasý bolady», — dep habarlady reseılik dıplomat.

Buǵan deıin, Qazaqstan men Reseı jolaýshylar tasymalyn qalpyna keltirý múmkindigin qarastyryp jatqany belgili boldy.

Kazinform úshin arnaıy TASS seriktes agenttigi usynǵan.