Reseı, Sırııa, Iran jáne Irak Baǵdadta «Islam memleketimen» kúresý úshin aqparattyq ortalyq ashty
ASTANA. QazAqparat - Reseı, Sırııa, Iran jáne Irak Baǵdadta «Islam memleketimen» kúresti úılestirý úshin aqparattyq ortalyq ashty. Bul týraly TASS-qa áskerı-dıplomatııalyq derekkóz habarlady.
«Taıaý bolashaqta ortalyqtyń oıdaǵydaı qyzmeti onyń negizinde «Islam memleketimen» kúresip jatqan osy tórt eldiń qarýly kúshteri bólimshelerin basqarý men operatsııalardy josparlaý maqsatynda úılestirý komıtetin qurýǵa jaǵdaı týǵyzady», - dep habarlady ol.
Agenttik suhbattasýshysynyń atap ótýinshe, Baǵdadta qurylǵan ortalyqta Reseı, Sırııa, Iran jáne Irak bas shtabtarynyń ókilderi jumys jasaıtyn bolady. «Bul qurylymnyń negizgi qyzmeti «Islam memleketimen» kúres turǵysynan taýıashyǵystyq aımaqtaǵy aǵymdaǵy jaǵdaı týraly aqparattardy jınaý, óńdeý, qorytý jáne taldaý bolmaq jáne ony tıisinshe kórsetilgen elderdiń bas shtabtaryna berip otyrady», - dep túsindirdi ol.
Derekkózdiń aıtýynsha, aqparattyq ortalyqty tórt eldiń qarýly kúshteriniń ofıtserleri úsh aıdan rotatsııalyq negizde basqarady. «Qol jetkizilgen ýaǵdalastyqtarǵa sáıkes taıaýdaǵy úsh aıda aqparattyq ortalyqty ırak tarapy basqarady», dep naqtylady agenttik suhbattasýshysy.
