Reseı shokoladyn eń kóp ımporttaǵan – Qazaqstan men Ázerbaıjan

ASTANA. KAZINFORM — 2025 jyldyń alǵashqy tórt aıynda Reseı eń kóp shokoladty Qazaqstan, Ázerbaıjan jáne Ózbekstanǵa satty. Sonymen qatar, ımporttaýshylardyń alǵashqy ondyǵyna Qytaı men Germanııa da kirdi, dep jazdy Oxu.Az BUU-nyń Comtrade platformasyndaǵy derekke silteme jasap.

Reseılik shokoladtyń basty ımporttaýshysy — Qazaqstan. 2025 jyldyń qańtar-sáýir aılarynda bul elge jetkizilgen shokoladtyń jalpy quny 78,3 mıllıon AQSh dollaryn qurady.

Ekinshi orynda — Ázerbaıjan, bul elge tasymaldanǵan shokoladtyń quny shamamen úsh ese az — 23,4 mıllıon dollar. Odan keıingi oryndarda:

• Ózbekstan — 21,4 mln dollar,

• Qyrǵyzstan — 14,7 mln dollar,

• Grýzııa — 8 mln dollar.

Qytaı reseılik shokoladty satyp alý boıynsha altynshy orynda — 7,4 mln dollar. Budan keıin Armenııa, Serbııa, Moldova elderi tur, al Germanııa 2,1 mln dollarlyq ımportpen alǵashqy ondyqty qorytyndylap tur.

Al kerisinshe qazaqstandyq shokolad qaı elderge satylatynyn bilgińiz kelse myna siltemege ótińiz.

Ózbekstanda Ortalyq Azııadaǵy alǵashqy shokolad murajaıy ashylǵan bolatyn.