Reseı shekarashylarynyń bir toby Osh qalasyna kelip jetti
BІShKEK. Qyrkúıektiń 30-y. QazAqparat /Arnur Rahymbekov/ - Qyrǵyz-reseı kelisimine sáıkes Qyrǵyzstannyń ońtústigine Reseı Federatsııasy shekara qyzmetiniń bir toby keldi.
Reseıdiń shekara jaýyngerleriniń basshysy Vladımır Pronıchevtyń Bishkekke jasaǵan saparynyń qorytyndylary boıynsha jáne Qyrǵyzstannyń shekara qyzmetin basqaratyn Zakır Tilenovpen ótkizgen kelissózderdiń qorytyndylaryna sáıkes Osh qalasyna reseılik jaýyngerlerdi jiberý týraly sheshim qabyldanǵan bolatyn.
Aımaqtyq BAQ-tardyń aqparatyna súıensek, qyryq adamnan quralǵan jedel top Osh qalasyna kelip, qala ortalyǵyndaǵy jeke úıge turaqtanǵan. Qyrǵyzstandaǵy parlamenttik saılaýlardan keıin Eýropadaǵy Qaýipsizdik jáne Yntymaqtastyq Uıymynyń polıtseıleri keledi dep kútilýde.
