Reseı saılaý komıssııasynyń ókili Qazaqstandaǵy referendýmnyń uıymdastyrylýyn joǵary baǵalady
ASTANA. KAZINFORM — Reseı Federatsııasy Ortalyq saılaý komıssııasynyń memlekettik hatshysy Natalıa Býdarına Qazaqstanda ótken respýblıkalyq referendýmnyń uıymdastyrylý deńgeıin joǵary baǵalady.
— Keshe men 20-dan astam ýchaskede boldym. Barlyǵy óte joǵary deńgeıde uıymdastyrylǵan. Zań buzýdy aıtpaǵanda, tipti eń bolmashy eskertýler de aıtylǵan joq. Óıtkeni barlyq rásim Qazaqstan Respýblıkasynyń referendým týraly zańnamasyna qatań sáıkes júrgizildi, — dedi Natalıa Býdarına.
N. Býdarına daýys berýdiń tynysh ári qalypty jaǵdaıda ótýi referendým komıssııalarynyń úlken eńbeginiń nátıjesi ekenin atap ótti.
— Ýchaskelerde erekshe kóterińki, merekelik atmosfera bolǵanyn atap ótkim keledi. Muny bári kórdi: qatysýshylar otbasylarymen keldi, keıbiri kezekte turǵanyna qaramastan, barlyǵy dostyq ári jyly jaǵdaıda ótti, — dep qosty RF OSK memlekettik hatshysy.
Eske salaıyq, QR Ortalyq referendým komıssııasy respýblıkalyq referendýmdaǵy daýys berýdiń aldyn ala nátıjelerin jarııalady. Esepteý qorytyndysy boıynsha referendým resmı túrde «ótti» dep tanyldy.
Buǵan deıin Túrkııa Respýblıkasynyń Joǵarǵy saılaý keńesiniń tóraǵasy Ahmet Iener Qazaqstandaǵy konstıtýtsııalyq referendýmnyń ashyq, ádil jáne qaýipsiz ótkenin aıtty.
