Reseı Saryshaǵan polıgonyn jaldaýdy qysqartqannan keıin bıýdjetke túsim 2,5 mln dollarǵa azaıady

Bul týraly búgin Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «1996 jylǵy 18 qazandaǵy Qazaqstan Respýblıkasy men RF arasyndaǵy Saryshaǵan synaq polıgonyn jaldaý týraly shartqa ózgerister men tolyqtyrýlar engizý týraly hattamany ratıfıkatsııalaý týraly» zań jobasy talqylaý barysynda málim boldy.

Hattamaǵa 2015 jyly 16 sáýirde Máskeýde qol qoıylǵan.

«Reseı tarapy Saryshaǵan polıgonynan jalǵa alyp otyrǵan 8 mln. gektardyń 1 mln. gektary qysqartylady. Osyǵan baılanysty jaldaý somasy da túzetiletin bolyp otyr. Naqtylap aıtqanda, jaldaý somasy 2 mln. 656 myń dollarǵa kemıdi», - deıdi QR Qorǵanys mınıstriniń orynbasary Oqas Saparov. Onyń aıtýynsha, Reseı jalǵa alyp otyrǵan Saryshaǵan polıgon aýmaǵy úshin 18 mln. 900 myń dollar tólep kelgen bolatyn. Endi bul soma 2 mln. 656 myń dollarǵa qysqarady.

«Qalǵan 16 mln. 276 myń dollardy Reseı aqshalaı bıýdjetke aýdarady. Reseıdiń jaldaý somasy gektaryna 2,33 dollardy qurap otyr. Jalpy biz Reseıge jalǵa 10 mln. gektardan astam jer ýchaskelerin polıgon retinde paıdalanýǵa jalǵa berip kelemiz. Budan jyl saıyn bıýdjetke 24 mln. dollardan astam soma bıýdjetke túsip kelgen bolatyn. Bul aldaǵy ýaqytta qysqarýǵa ushyraıdy», - dedi mınıstr orynbasary.

Aıta keterligi, Reseıden qaıtarylǵan jerlerden jaldaý aqysy qysqartylǵanymen, onyń ornyn toltyratyn jáne arttyratyn respýblıkalyq bıýdjetke tólemder túsiretin jobalar iske asyrylmaq. Máselen, qazaqstandyq sharýashylyq sýbektilerdiń, paıdaly qazbalardy óńdeýge, polıgonnyń aýmaǵy arqyly ótetin temirjol, avtokólik jáne áýe joldaryn paıdalanýǵa baılanysty jaldaý aqysy óteledi. ıAǵnı, hattama teris áleýmettik-ekonomıkalyq saldarǵa soqtyrmaıdy.

Zań jobasy Parlament Senatynyń aldaǵy ýaqytta ótetin jalpy otyrysyna shyǵarylatyn bolady.