Reseı rýbliniń búgingi kórsetkishterine qaramastan teńge ózin jaıly sezinedi - Q. Kelimbetov
«Eger Reseı rýbline qatysty jaǵdaıǵa kelsek, onda biz eń aldymen aıyrbas baǵamynyń bir rejiminen ekinshi rejimge ótý kezeńin baqylap otyrmyz. ıAǵnı, reseı rýbli qolmen basqarýdan erkin jiberýge ketip otyr. Al bul rýbldiń erkin jiberilýi eń basynda qunsyzdaný men nyǵaıý jaǵynan arasalmaqty ajyratyp óz ornyn tabýy kerek. Sondyqtan da, reseılik sarapshylar kelesi jyldyń basyna qaraı rýbl aıtarlyqtaı nyǵaıady dep boljaıdy», - dedi Q. Kelimbetov. Onyń paıymynsha, kelesi jyldyń basyna qaraı reseı rýbli 1 dollarǵa - 40 rýbl dálizinde saqtalýy kútiledi.
«Al bizdegi jaǵdaıǵa kelsek, tipti qazirgi kórsetkishte de teńge ózin jaıly sezinedi. Sondyqtan da, aıtarlyqtaı salmaqty ózgerister kútpeımiz ári 170-188 teńgelik dáliz tıisti táýekelderdi der ýaǵynda jabýǵa septigin tıgizetin bolady», - dedi Ulttyq bank basshysy.