Reseı rýbliniń arzandaýy avtomobıl naryǵyna qalaı áser etedi?
ASTANA. QazAqparat - Jaqyn aılarda rýbldiń qunynyń tómendeýine baılanysty sheteldik kólikterdiń baǵasy kóteriledi. Bul týraly avtomobıl naryǵynyń ókilderine silteme jasap «Kommersant» gazeti jazady.
Olardyń aıtýynsha, osy salada 1-2% údemeli ındeksteý kútilýde, ol jalpy alǵanda, 10% deıin jetýi múmkin.
Deldaldardyń sózine qaraǵanda, avtokontsernder baǵanyń ósýinen habardar. Máselege qatysty óz kózqarastaryn bildirgenderdiń ishinde GM kompanııasynyń ókilderi «Rýbldiń kýrsyn kúndelikti qadaǵalap otyrmyz. Ázirge biz baǵany kótere qoıǵan joqpyz, biraq, rýbl quny osylaı tómen bola beretin bolsa, kólikterdiń de baǵasyn sharyqtatýǵa májbúr bolamyz», - deıdi.
Ford Sollers kompanııasy 1 aqpannan bastap jeńil avtomobılderdiń baǵasynyń 1-2% ósetinin, odan keıingi baǵa saıasaty rýbl kýrsynyń aýytqý deńgeılerine baılanysty bolatynyn habarlady. Renault áli kólikteriniń qunyn arttyrý týraly sheshim qabyldamaǵan.
Dollar men evro kýrsynyń qymbattaýyna oraı turmystyq tehnıka men elektronıka buıymdary jáne alkogoldik ónimder naryǵynda da qymbatshylyq oryn alady, dep kútileýde. Sońǵy ýaqyttarda Reseı valıýtasynyń dollar men eýroǵa qatysty quny tómendep ketti. Máselen, 27 qańtar kúni Eýroaımaqtyń biryńǵaı valıýtasynyń resmı kýrsy shamamen 60 tıynǵa qymbattap, 47,4962 rýbl/eýrony quraǵan. ıAǵnı, Eýropa valıýtasy alǵash ret 47 rýbl/eýro mejesinen artyp ketken. Al, 29 qańtar kúni Máskeý bırjasyndaǵy saýda barysynda eýro rekordyn jańartyp, onyń quny 48 rýbldi quraǵan.
