Reseı robottarǵa lańkesterdi óltirýdi úıretpek
ASTANA. 18 mamyr. QazAqparat - Reseıde lańkestik jasalǵan jerde jaralanǵan áskerı qyzmetshiler men azamattardy kóshirýmen aınalysatyn, sondaı-aq lańkesterdi joıatyn arnaıy robottar jasaý jumystary júrgizilýde.
Bul týraly reseılik «Jańalyqtar» agenttiginiń habarlaýynsha, Reseı vıtse-premeri Dmıtrıı Rogozın MMÝ-diń fızıka fakýltetiniń stýdentteri aldynda sóılegen sózinde aıtqan. Jańa tehnıkanyń tehnıkalyq jaı-japsary jáne ony Reseılik kúsh-qurylymdarǵa jetkizýdi bastaý merzimin Rogozın ashyp aıtqan joq.
Rogozınniń aıtýynsha, jańa robottar lańkesterdi ártúrli kedergiler arqyly «kóre» alady jáne qashyqtan joıa alady. Robotty júıeler joǵary dáldikpen jumys isteıtin bolady jáne kepilge alynǵandarǵa zııan keltirmeıdi. Mundaı robotty jasaý qashan aıaqtalatynyn Rogozın naqtylamady.
2013 jylǵy sáýirdiń sońynda Reseı qorǵanys mınıstrliginiń tapsyrysy boıynsha jaralanǵan áskerı qyzmetshilerdi izdeý men kóshirý úshin robotty modýl jasaý jumysy bastalǵany habarlanǵan bolatyn. Jańa keshen urys dalasynda jaralanǵandardy ózi tanyp shyǵarýy, robot kez kelgen jermen, bólmelerde baspaldaqtarmen qozǵala alatyn bolýy tıis. Bul tapsyrysty Baýman atyndaǵy Máskeý memlekettik tehnıkalyq ýnıversıtetiniń robot tehnıkasy jáne tehnıkalyq kıbernetıka ǵylymı-zertteý ınstıtýty oryndaýy múmkin.
